Adlewyrchu ein Cymunedau
Mae Cyfoeth Naturiol Cymru am fod yn sefydliad lle mae pobl yn cael eu trin yn deg, waeth pwy bynnag ydynt na'u cefndir.
Yn y blog hwn, mae Lyn Williams, sy'n cynghori ar ein gwaith ar gydraddoldeb, yn dweud mwy wrthym pam mae cymryd camau breision yn ein dyletswyddau cydraddoldeb, amrywiaeth a chynhwysiant yn bwysig, a sut y gall dealltwriaeth am eich safbwyntiau a'ch profiadau ein helpu i symud ymlaen.
"Mae ein gwaith yn mynd â ni i bob cymuned yng Nghymru ar ryw adeg neu'i gilydd, ac mae’n bwysig ein bod ni’n adlewyrchu'r cymunedau hynny, drwy'r ffordd rydym yn gweithio ni a'r bobl rydym yn eu cyflogi.
"A gwyddom fod asiantaethau sy'n cynrychioli'r cymunedau y maent yn gweithio ynddynt; sy'n croesawu gwahaniaeth; a darparu cyfleoedd i bob llais gael eu clywed, yn perfformio'n well. Y rheswm am hyn ydy fod yw y gall clywed am safbwyntiau gan bobl o wahanol gefndiroedd ddod â syniadau, syniadau a dulliau newydd sy'n gwneud y ffordd y caiff gwaith ei wneud yn fwy effeithiol ac effeithlon."
Ystyried Cydraddoldeb, Amrywiaeth a Chynhwysiant
"Gwyddom fod amrywiaeth yn dod ar bob ffurf, yn aml nid yw'n weladwy ac yn aml maent yn lluosog – mae gan bob un ohonom ryw, ethnigrwydd, galluoedd neu anableddau, cyfeiriadedd rhywiol, patrwm gwaith, a chyfrifoldebau sy'n arbennig i bob un ohonom. Yr ydym i gyd yn wahanol.
"Yn ogystal â chroesawu gwahaniaeth, mae'n rhaid i ni i gyd herio ein hunain i feddwl am y ffordd y mae ein rhagfarn a'n hymddygiad ein hunain yn effeithio ar y rhai o'n cwmpas. Ar yr un pryd, mae'n rhaid i ni siarad pan nad ydym yn teimlo ein bod wedi'n cynnwys, ac rydych yn nodi gwahanol ganfyddiadau o gynhwysiant yn bwysig iawn i ni"
Dywedwch wrthym am eich barn a'ch profiadau
"Er mwyn i ni allu hyrwyddo pob agwedd ar gydraddoldeb, amrywiaeth a chynhwysiant, mae angen i ni ddeall ble'r ydym ar hyn o bryd , ac mae angen i ni ddeall mwy amdanoch chi - y cymunedau rydym yn eu hamddiffyn, y bobl sy'n mwynhau ein safleoedd ar hyd a hŷn y wlad, y rhai rydym yn eu rheoleiddio a'r partneriaid rydym yn gweithio gyda nhw ar lu o brosiectau.
"Rydym am ddeall eich profiadau, eich safbwyntiau a'ch canfyddiadau, gwrando ar yr hyn sy'n dda neu'n ddrwg a deall eich ystyriaethau a'ch heriau. Drwy ddeall mwy, byddwn yn dysgu, a byddwn yn gallu gwneud newidiadau i greu sefydliad mwy cynhwysol.
"Mae Diverse Cymru yn rheoli'r gwaith ar ein rhan ac felly gallwch fod yn sicr bod yr arolwg yn gwbl gyfrinachol a dienw; ni fydd yr un o'ch atebion yn cael eu priodoli i chi'n bersonol, nac yn cael eu hadrodd yn ôl mewn ffordd a allai adnabod unigolion o bosibl. Felly, byddwch yn agored ac yn onest, dyma'r unig ffordd y gallwn wneud newid ystyrlon.
"Bydd eich hadborth yn rhoi data a mewnwelediad amhrisiadwy i ni a fydd yn ein helpu i wneud penderfyniadau gwybodus i adeiladu ein cynlluniau ar gyfer sefydliad mwy cynhwysol yn y dyfodol, a fydd yn eich cefnogi'n well."
Mae'r arolwg i'w weld ar y tudalen Cydraddoldeb, amrywiaeth a chynhwysiant. Bydd ar gael ar-lein neu os yw'n well gennych, ar ffurf copi caled i chi ei lenwi a'i ddychwelyd i Diverse Cymru, Tim Polisi, Ymgystlltu ac Ymchwil, Ty Alexandra, 307-315 Ffordd Ddrwyreiniol y Bonfaen, Caerdydd, CF5 1JD.
Os ydych yn teimlo yr hoffech gyfrannu ymhellach, gallwch hefyd ymuno â grŵp ffocws i gael trafodaeth fanylach a manwl. Mae rhagor o wybodaeth am y digwyddiadau hyn a hwylusir ar gael yma
Diverse Cymru Natural Resources Wales - Engagement events - Diverse Cymru