Ymgeisio am drwydded bwrpasol ar gyfer safle sylweddau ymbelydrol
Dewch o hyd i fanylion y taliadau arfaethedig ar ein safle ymgynghori ar wefan ‘Citizen Space’.
Mae'r ymgynghoriad yma bellach wedi cau. Bydd CNC yn defnyddio'r adborth i lywio ein cynlluniau codi tâl newydd. Bwriadwn weithredu’r cynlluniau hyn o 1 Ebrill 2023 ymlaen, yn amodol ar gael cymeradwyaeth Gweinidogion.
Cyn i chi wneud cais
Bydd angen i chi ymgeisio am drwydded bwrpasol os ydych o fewn Atodlen 23 Rheoliadau Trwyddedu Amgylcheddol 2010, yn ôl y disgrifiad ar y dudalen hafan Sylweddau Ymbelydrol. Mae’r ddolen ‘A yw eich gweithgaredd yn gofyn am drwydded sylweddau ymbelydrol Rheoliadau Trwyddedu Amgylcheddol (RhTA)’ yn rhoi manylion y gwahanol fathau o weithgareddau sylweddau ymbelydrol y gallai fod angen trwydded ar eu cyfer.
Sut i wneud cais
Ar y dudalen hon cewch ffurflenni cais ar gyfer trwydded bwrpasol newydd a'r nodiadau canllaw i'ch helpu i gwblhau'r ffurflenni cais. Rhaid i chi lenwi rhannau A ac F a chwblhau'r adrannau priodol yn rhan B.
Sylwch
Bydd angen Fersiwn 7 neu fersiwn ddiweddarach o Adobe arnoch i allu defnyddio'r ffurflenni electronig.
Ar ôl i chi ddewis y rhannau cywir o'r ffurflen, dim ond yr adrannau sy'n berthnasol i'ch cais y bydd angen i chi eu llenwi. Fodd bynnag, bydd angen i chi fynd i bob adran a thicio'r blychau priodol fel y gallwch chi symud ymlaen i'r adran nesaf.
Help gyda'ch cais
Os ydych chi'n cael trafferth llenwi'ch ffurflen gais, cysylltwch â ni trwy:
e-bost ymholiadau cyffredinol - ymholiadau@cyfoethnaturiolcymru.gov.uk
Rhif ymholiadau cyffredinol 0300 065 3000
Canolfan Gwasanaethau Cwsmeriaid
Cyfoeth Naturiol Cymru
29 Heol Casnewydd
Tŷ Cambria
Caerdydd
CF24 0TP.