Cais i drosglwyddo trwydded sylweddau ymbelydrol
Dewch o hyd i fanylion y taliadau arfaethedig ar ein safle ymgynghori ar wefan ‘Citizen Space’.
Mae'r ymgynghoriad yma bellach wedi cau. Bydd CNC yn defnyddio'r adborth i lywio ein cynlluniau codi tâl newydd. Bwriadwn weithredu’r cynlluniau hyn o 1 Ebrill 2023 ymlaen, yn amodol ar gael cymeradwyaeth Gweinidogion.
Cyn i chi wneud cais
Mae trwydded amgylcheddol yn ymwneud â lleoliad penodol (oni bai ei bod ar gyfer ffynhonnell symudol). Os gwerthwch eich safle, ni allwch fynd â’ch trwydded gyda chi a pharhau’r gweithgaredd trwyddedig yn eich lleoliad newydd. Bydd angen i chi drosglwyddo’ch trwydded i’r perchnogion newydd.
Sut i wneud cais
Ar y dudalen hon fe gewch ffurflenni cais ar gyfer trosglwyddo eich trwydded, yn rhannol neu’n gyfan, i rywun arall. Gellir llenwi’r ffurflenni cais yn electronig. Rhaid i chi lenwi rhannau A ac F, a chwblhau adrannau addas rhan D: a rhaid i’r ddau barti lofnodi’r datganiad yn rhan F, hefyd.
Sylwch
Bydd angen Fersiwn 7 neu fersiwn ddiweddarach o Adobe arnoch i allu defnyddio'r ffurflenni electronig.
Ar ôl i chi ddewis y rhannau cywir o'r ffurflen, dim ond yr adrannau sy'n berthnasol i'ch cais y bydd angen i chi eu llenwi. Fodd bynnag, bydd angen i chi fynd i bob adran a thicio'r blychau priodol fel y gallwch chi symud ymlaen i'r adran nesaf.
Help gyda'ch cais
Os ydych chi'n cael trafferth llenwi'ch ffurflen gais, cysylltwch â ni trwy:
e-bost ymholiadau cyffredinol - ymholiadau@cyfoethnaturiolcymru.gov.uk
Rhif ymholiadau cyffredinol 0300 065 3000
Canolfan Gwasanaethau Cwsmeriaid
Cyfoeth Naturiol Cymru
29 Heol Casnewydd
Tŷ Cambria
Caerdydd
CF24 0TP.