Cynlluniau rheoli perygl llifogydd
Ein cynlluniau rheoli perygl llifogydd
Yn unol â Rheoliadau Perygl Llifogydd 2009, cynhyrchodd Cyfoeth Naturiol Cymru gynlluniau rheoli perygl llifogydd (FRMP) ar raddfa’r ardal afon erbyn 22 Rhagfyr 2015. Gwnaethom gynhyrchu tri FRMP ar gyfer Cymru: Afon Hafren; Afon Dyfrdwy a Gorllewin Cymru. Cafodd FRMP Afon Hafren ac Afon Dyfrdwy eu cynhyrchu ar y cyd ag Asiantaeth Amgylchedd yn Lloegr. Yng Nghymru, mae’r FRMP yn cynnwys perygl llifogydd o brif afonydd, cronfeydd dŵr a’r môr.
Mae’r FRMP yn nodi casgliadau’r hyn sydd mewn perygl o ddioddef llifogydd ochr yn ochr â’r amcanion a’r mesurau ydym yn eu cynnig er mwyn rheoli’r perygl gan lifogydd i bobl, yr amgylchedd a gweithgareddau economaidd ledled Cymru. Mae’r cynlluniau yn cwmpasu cyfnod o 6 blynedd, o fis Rhagfyr 2015 i fis Rhagfyr 2021.
Ein cynllun rheoli perygl llifogydd wedi’i ddiweddaru
Ar hyn o bryd rydym gweithio i gynhyrchu FRMP wedi’i ddiweddaru sy’n cynnwys Cymru gyfan. Mae’r cynnydd ar ein FRMP wedi cael ei ohirio o ganlyniad i lifogydd mis Chwefror 2020 a ddilynwyd gan Covid-19. Rhagwelir y bydd ein FRMP wedi’i ddiweddaru yn barod ar gyfer ymgynghoriaeth yng Ngwanwyn 2022.
Mapiau perygl llifogydd cenedlaethol
Mae’r mapiau perygl llifogydd cenedlaethol yn dangos maint, dyfnder, cyflymder a pherygl llifogydd. Nid oes ganddo unrhyw statws swyddogol at ddibenion cynllunio.
Defnyddir y mapiau perygl llifogydd cenedlaethol fel sail i greu cynlluniau Rheoli Perygl Llifogydd ledled Cymru ac maent yn cydymffurfio â’r Rheoliadau Perygl Llifogydd (2009) a Chyfarwyddeb yr UE (2007/60/EC).
Dysgwch fwy am y mapiau perygl llifogydd cenedlaethol (Saesneg yn unig)
Data GIS
Os oes angen i chi lawrlwytho data GIS, gellir lawrlwytho nifer o haenau’r map o MapDataCymru.
Ffyrdd eraill o ddysgu am berygl llifogydd tymor hir
- Ffoniwch Floodline: 0345 988 1188
- Sgwrsio drwy deipio: 0345 602 6340 (ar gyfer pobl sy’n drwm eu clyw)
Dysgwch fwy am gostau galwadau (Saesneg yn unig)
Cydnabyddiaeth
Mae'n cynnwys gwybodaeth Cyfoeth Naturiol Cymru © Natural Resources Wales a hawl cronfa ddata. Cedwir pob hawl. Mae cyfran o’r wybodaeth wedi’i seilio ar ddata gofodol digidol sydd wedi’u trwyddedu gan y Ganolfan Ecoleg a Hydroleg © NERC (CEH). Mapio Daearegol: Arolwg Daeareg Prydain © NERC. DEFRA a’r Swyddfa Dywydd © hawlfraint y Goron. © Prifysgol Cranfield. © Sefydliad James Hutton. Cynnwys data OS data © Hawlfraint y Goron a hawl sylfaen-data 2017. Gwasanaethau Tir ac Eiddo Land © Hawlfraint y Goron a hawl sylfaen-data.