Prosiectau arddangos

Mae’r prosiect wedi datblygu’n llwyddiannus a bu cyfres o brosiectau arddangos ar draws CNC.

Mae'r prosiectau’n dangos cyfleoedd i leihau allyriadau, cynyddu storio carbon a diogelu stociau carbon er mwyn gweithredu ar effaith carbon y sefydliad nawr.

Rydyn ni’n creu astudiaethau achos i gofnodi ein profiad a’r hyn rydyn ni wedi ei ddysgu ar gyfer pobl eraill a bydd ar gael fel rhan o rannu ein dull.

Adeiladau

• Goleuadau LED mewn 10 swyddfa, gan arbed 44 tunnell o CO₂e bob blwyddyn. Darllenwch astudiaeth achos gosod goleadau LED
  
  
• Cynllun i gael paneli PV solar mewn 9 adeilad, mae disgwyl iddyn nhw arbed 50 tunnell o CO₂e bob blwyddyn. Darllenwch astudiaeth achos gosod araeau solar ffotofoltaig
  
  
• Boeleri a boeleri biomas sy’n effeithlon o ran egni yn ein hadeiladau. Mae disgwyl i’n boeler biomas yng Nghoed y B
  renin arbed 50 tunnell o CO₂e bob blwyddyn

Trafnidiaeth

• 3 cherbyd cyfan gwbl drydan Nissan Leaf yn y fflyd, (ym Maes-y-Ffynnon, Bwcle a Llandarcy), yn ogystal â gosod mannau gwefru yn y swyddfeydd hyn ac yn Hwlffordd. Bu sesiynau arddangos i staff a chanllawiau clir ar sut i’w defnyddio yn allweddol yn y lansiad llwyddiannus, ac mae’r cerbydau wedi cael eu defnyddio 73% yn fwy yn ystod y mis cyntaf
  
  
• Gosod mannau gwefru cerbydau trydan ar gyfer ymwelwyr mewn dwy ganolfan ymwelwyr allweddol – Coed y Brenin a Bwlch Nant yr Arian. Darllenwch astudiaeth achos seilwaith ar gyfer ceir trydan a gwefru

Tir ac asedau

• Dros 60 hectar o fawndir wedi ei adfer gan warchod stociau carbon allweddol. Darllenwch yr astudiaeth achos byndio isel a'r astudiaeth achos sefydlu mwsogl
  
  
• 6.7 hectar o goetir dail llydan wedi ei blannu ar dri safle sy’n cynnwys buddion cymunedol. Bydd y 4 hectar yr ydym wedi eu plannu yng Nghoedwig Gethin yn storio oddeutu 3,000 tunnell o CO2e dros 100 mlynedd
  
  
• Gosod PV solar ar asedau perygl llifogydd, gan gynnwys 42 o asedau hydrometreg a thelemetreg, i leihau ein dibynadwyaeth ar drydan y grid. Bydd ein gosodiad a gynlluniwyd ar gyfer gorsaf fedryddu Cilfrew yn cynhyrchu dros 900kWh o drydan adnewyddol er mwyn pweru’r ased. Darllenwch astudiaeth achos ôl-osod asedau gweithredol gyda phaneli solar ffotofoltäig

Caffael

• Datblygu Polisi Rheoli Carbon yn CNC ar gyfer caffael
  
  
• Treialu offerynnau asesu newydd
  
  
• Dylanwadu ar gytundebau allweddol, gan gynnwys treialu offeryn cynllunio carbon newydd i fynd i’r afael â charbon yn ein fframwaith peirianneg sifil. Mae sefydliadau eraill wedi allyrru dros 40% yn llai o garbon wrth adeiladu cynlluniau mawr i amddiffyn rhag llifogydd gan ddefnyddio’r offeryn. Mae staff allweddol yn nhimoedd caffael a chyflawni prosiectau CNC bellach wedi cael eu hyfforddi i’w ddefnyddio. Darllenwch yr astudiaeth achos
  
  
• Gweithio gyda staff gweithredu coedwigoedd i fireinio amcangyfrifon o allyriadau contractwyr a ddaw o gynaeafu coedwigaeth a chludo, gan ddarparu tystiolaeth gadarn y gellid nodi cyfleoedd oddi wrthi i leihau allyriadau. Darllenwch yr astudiaeth achos