Diweddaru Targedau Ansawdd Dŵr ar gyfer ACAau Afonydd Cymru 2022
Yn sgil newidiadau i ganllawiau ansawdd dŵr gan y Cyd-bwyllgor Cadwraeth Natur, rydym wedi adolygu’r Amcanion Cadwraeth ar gyfer Ardaloedd Cadwraeth Arbennig (ACA) Afonydd yng Nghymru.
Mae naw ACA a ddynodwyd ar gyfer un neu fwy o nodweddion afonydd yng Nghymru, sef:
- Afon Eden – Cors Goch Trawsfynydd
- Afon Gwyrfai a Llyn Cwellyn
- Afon Teifi
- Afon Tywi
- Afonydd Cleddau
- Coedydd Derw a Safleoedd Ystlumod Meirion (Afon Glaslyn)
- Afon Dyfrdwy a Llyn Tegid
- Afon Wysg
- Afon Gwy
Y llynedd, cyhoeddwyd targedau ffosfforws diwygiedig ar gyfer y naw afon ACA, ynghyd ag asesiad cydymffurfio yn erbyn y targedau hynny.
Darllenwch yr adroddiad ar y targedau ffosfforws.
Rydym bellach yn cyhoeddi'r targedau ar gyfer saith dangosydd ansawdd dŵr arall sef:
- Cyfanswm Amonia
- Amonia heb ei Ïoneiddio
- Y Galw Biolegol am Ocsigen
- Ocsigen Tawdd
- pH
- Y Gallu i Niwtralu Asidau
- Mynegai Diatomau Troffig
Rhennir pob afon ACA yn gyrff dŵr (ardaloedd rydym yn eu hasesu). Ar gyfer y naw afon ACA mae cyfanswm o 127 o gyrff dŵr a darperir y targedau ar gyfer pob dangosydd ansawdd dŵr yn y daenlen isod.
Mae'r targedau ansawdd dŵr hyn wedi'u cynnwys yn yr Amcanion Cadwraeth ar gyfer pob afon ACA, fel y'u cyhoeddwyd yn y Cynlluniau Rheoli Craidd ar gyfer pob safle.